HUROMBO

Date: 14 March 2015

Time: 11:13

Writer: VaChikepe: The Poet

Collection: Zvidzidzo [1]

HUROMBO

Hurombo…

Sokisi rakaboka,  kumharwa nenhunzi nekusemeswa

Hurombo hwega- hwega…a matama ayo….asvaviswa nekuchema

Nevakashaika nahwo…Havana kuzonge vaverengwa!

Ariapo wandidai…aripano saka ndokudai- Murombo…

Asi zvakanzi ava vatema…ngavakuvare nehutema hwepasi rino?

Chinguri ndirinhi, takabvira kare tichitambura?

Mumwe anoreurura nekudyiwa nechikara musango

Mumwe anoreurura nekupfuudzwa nepfumo rapasi chigare chairo

Mumwe anoreurura nekubayiwa negidi girinedha chairo

Mumwe anoreurura nekufa nenzara chaiyo

Mumwe anoreurura nekufa nezvirwere zvepasi rino chaizvo

Huchingova hurombo hwega- hwega..kuwanikidzwa uri wekumachure chete!

Pakati pedu panapa….ehe panapa…vangani vanadzo dzakapinza pfungwa…

Angatigadzirirewo motokari tikakwira tikaenda mberi ndiyani?

Angatigadzirirewo chikepe tikafefeterwa hedu tichiita rure rure padumbu regungwa ndiyani?

Angatisimudzirewo ndege yaVaChingoma tikafarawo neAfrika yose tichiti kwedu kwazvarwa munhu ndiyani?

Angatigadzirirewo pfungwa itsva…dzatingadadewo nadzo isu veganda dema…tichiti huyayi henyu vekure nepedo….tikuddzidzisei zvomberi ndiyani?

Saka gwau gwau yagwau yatinoswerotaura yakabvepi?

Ini zvehurombo ndaramba ini….zveurombo ndaramba!

Nguwo yehurombo iyi ndabvisa ndikakanda muchoto…

Ndaramba nepfungwa dzangu kuti dzikandire mazai,

Dzichitevera dzevamwe…Dzako nhonga upukute udade nadzo!

Zvandakaudzwa ndezvevanhu vaivepo

Zvandinoona ndezvevanhu varipo

Zvichauya ukazozvinzwa aiwa…kana dzako dzaipamhanya mhanya ipapo!

Nhamo hatina hukama naye…Akatipa iyoyo ngaatore chinhu chake!

Hurombo hatina hukama naye…hwake hwahwa ndihwo anomwa neshamwari dzake!

Haiwa Isheeee hurombo ndaramba!

 Shamwari yemusodzi-Kwete

Shamwari yerufaro- Hongu!

Zvishuwiro zvangu…

Ngazvisararamire kurara!

Ngazvizikanwe nekunanisa..

Kuti ndezvani izvi…

Zvonzi…a NdezvaManake Wekwamanake!

Ndasvipa mate…thithu!

Hurombo ndakufushira…

Enda nevakaenda kare…

Usiye vanhasi vararame

Nezvavo zvanhasi zvakanaka!

Udza vamwe vako uchibowa uchidzokera kwawakazvarirwa

Kuti ndadzingwa nemunhu washe…

Vakomana ndatungamira kumagumo

Tosangana mauya…

Nokuti munhu munhu ati anoda rusununguko rwake!

Tisunungurei…Sunungurwa iwe

Uraramewo savamwe…

Uraramewo kukunda vararami…

Uraramisewo vose vangade kurarama!

Pfutseki!

Ibva….mbama….chibhakera…bhutsu!

Usadzoke pfuti pano!

Hatiite izvozvo pano apa!

“Ndiro zuva takaona hurombo achifuratira…achienda….hatina kuzomuona zvakare…!”

[NDATENDA!!!]

MAGUMO!!!