Monday 3 November 2014
Written: 2008 ( Nzarabwe [12] )
Start: 19:45
Here-here
Ndove?
Chakava
chijairira
Rutsoka
rwechimbuzi
Apo
takapedzisira tonzi vanaMbare
Muguta guru
reHarare…
Kana
nekwedu kwataibva kuNorton,
Kwaiva
kufambira chinhu chimwe
Semasvosve
epachuru chimwe!
Rakava
Dhobhu, vamwe vakati Maherbs
Rimwe
rikati Ngayaya, imwe ikati Bonza
Mumwe akati Weed, ini ndikati Mbanje!
Yaive mbanje
yakanga yanditenderedza musoro…
Sevhiri
rechikochikari chamadhongi!
Richibuda munamai
varo…
Waisariona zuva
Kuri kunamana
kwemaziso!
Kuvhura maziso
yaive hondo nembambo
Kunge kuvhura
gonhi rehozi!
Maziso achingova
boi-boi…
Ungati ihuku
yadzipwa negwere!
Kuenda kunogeza…
Kwainge kuyambuka
Jorodhani ramakarwe…
Kuri kutya mvura!
Musoro wainzwa
kidi kidi- wiwiwi-i
Kuri kutema
nekutenderera!
Chiso chamai
chaimboreba…
Baba
vachimbopfupika…
Apo sisi
vaingosekaseka!
Kudoedza
kusvetukira pamubhedha…
Waiita mahwekwe
nepasi paMwari
Watizwa nawo
mubhedha!
Kudoedza kuterera
wairesi
Wainzwa zvimwezvo
wiriri-wiriri
Ndiko kwaiva kupengeswa
nehutsi hwembanje!
Yakasvika nguva
yandakakundwa tsoro nembanje…
Kwaiva kumukira
mbanje
Kugeza nekuzora
mbanje
Kudya nekumwa
mbanje
Kuswerera
nekurarira mbanje…
Takava hove
nembura naVaMbanje
Shoka neshangu
Chibhakera
chembanje neangu marwadzo
Chikabudura
nechiuno chaicho naVaMbanje!
Kusvika rimwe
zuva…
Zuva parakaora!
Rume rendebvu
nechidumbu,
Rakanga razvara
mwana anebaravara!
Kudoedza pano
neapo dhobhu hapana…
Uko nekoko bonza
hapana…
Uku kwakava kubatiswa kubatiswa marasha,
Wakasungirirwa
makumbo muydenga!
Nokuti
zvakandiomera…
Sekutungira
shinda murima!
Kudoedza panp
neapo…
Zvichinzi
hatina-hatina-hatina!
Rakati rasvika
zuva
Takaudzwa
nezveMbare…
Guta ravatema-
musika wenyika!
Mbare ukava musha
wedu kutsvaga dhobhu!
Kungoswinywa-
sinywa…
Kwaiva kumhanyira
kuMbare!
Kunanairwa-nanairwa…
Kwaiva kumhanyira
kuMbare!
Takadekara
tikafara naVaMbare!
Asi Pfumvu akati
unonyepa…
Dzakati dzapera
mbanje!
Chanezuro nehope
Chikati chadzoka!
Hupenyu hwangu…
Hwakava
hurubvu-rubvu
Sadza ramatoki!
Apo ndakapererwa
nezvekuita!
Neshamwari yangu
Tsomondo!
Jazzman mbare
akaona zvingamunetse…
Akangoti ane zani
ndeane rake,
Remumwe rinopaza
zvirongwa!
Chokwadi chiri
mumoyo, chiri muninga!
Akati atanga
kugadzira dzake mbanje…
Dzaaiti kana
munhu akatenga oti
‘Iri igiredhi
usadherere, plus usadzoke kana wakuvhuvha!’
Iyo yaiva tsvina…
Yakakanyaniswa
nemashizha emupopo…
Nechidodo
chishoma-shoma!
Zvinani
vamupurisa?
Vanhu
vakamhanyidzana…
Kunge
vachavhunika makumbo…
Kuri kuenda kumba
kwaJazzman Mbare!
Zvinaniko! Nesuwo
vanaDhumbuzhwa,
Takavawo miswe
pakutevera vatenzi mbeva!
Asi mabasa aMwari
mufunge?
Anotozvishamisirawo
havo…
Uku ndiko
kwakataurwa pasi chigare chaiko,
Kupona nemavende
emvuu chaiko!
Mukuenda, kutenga
nekudzokera
Takanga takateiwa
sembeva nemapurisa!
Kuitwa buda nditswanye
chaiye!
Tichiti svikei
kumba…
Tikati regai
tirikakate
Redu rekwaJazzman
Mbare!
Takati tarikweva
tarikweva
Kaviri, katatu
kanenge kashanu…
Tinzwe haikona
kutaura,
Kunhuwa kwayo
ndove!
Kusviteerera
hatina…
Tikati kuvhuvha
kuye kwaiva kwataurwa naJazzman.
Tikati
tikwevezve…tichiti kweveyi
Tikanzwa
‘Mapurisa! Masungwa!’
Kudoedza kutiza..
Mazino ejeri
akanga atotiruma maoko!
Nechemumoyo
ndakarohwa nehana!
Zvekuti
ndakavhunduka kunge munhu…
Awirwa nenyoka
musoro!
Apo maziso
ndakanga ndangova
Boi-boi, imbwa
yadzipwa nesahwa!
Asi chakava
chishamiso,
Dhimba kumedza
nzou
Patakaona
mapurisa oseka!
Takakatanurwa
simbi…
Mapurisa
ndokuramba achiseka
Apo akatidzosera
mbanje yedu.
Pava-paye varume
vadembuka
Ura nekuseka
ndokuzonzi…
‘Nyangwe kupenga
kwacho,
Varume
vasvinu-svinu vakadayi
Vangapute ndove
yemunhu?’
Maihweeeeeee
ndakamhanya!
Ndikakwesha
mazino chose!
Zvekutoti nanhasi
ndichiri kuakwesha…
Kashanu kana
kanonwe pazuva!
Kuri kuda kuedza
kudzinga mweya wendove!
Jazzman! Jazzman!
Jazzman!
Hiya
wakandigona…nemukoma wako Mbare!
Uku ndiko
kukorobheswa dhamhu remvura nerurimi chaiko!
Kuridziswa ngoma
nezvitsitsinho chaiko!
Kuwachiswa nhumbi
dzisingaome chaiko!
Here- here ndove
vakomana?
MAGUMO: 20:45
By VaChikepe: The Poet
(+263) 0772 488 777
@Publishar
Publisher T.P Chikepe
(Reporting from Katanga Norton, Zimbabwe-Africa)
No comments:
Post a Comment